Македонската водителка и инфлуенсерка Јелена Спенџарска веќе подолг период е во среќна љубовна врска со Гркот Лукас. А, тоа не го крие, бидејќи често знае да сподели дел од нејзиниот приватен живот и убавите моменти поминати со својот партнер.

Сега, таа откри дека на денешен ден пред точно две години започнала љубовната врска меѓу неа и Лукас и тоа, откако тој формално ја прашал дали ќе сака да му биде девојка.

Јелена, која во моментов е на летување со другарка во Грција, објави неколку видеа на својот инстаграм-профил на кои откри дел од нивната љубовна приказна.

„8-ми август е посебен ден за мене. Буквално животот ми е променет скроз откако сум со Лукас, некако имам чувство дека си дојдов на своето и од тука сè понатаму е толку полесно и забавно“, напиша таа.

Во видеата Јелена откри дека годишнината со Лукас ќе ја прослават за неколку дена, бидејќи тој е во Солун. Исто така, таа раскажа на кој начин тие ја прославиле минатата годишнина.

„Лани за годишнината бевме на истото место каде што ме побара да му бидам девојка, ја најдовме истата маса. Годинава нема да сме заедно, ама и покрај тоа, луѓето ми зборувале дека кога ќе го сретнеш вистинскиот – ќе знаеш, се прашував како ќе знам, викав дајте ми дефиниција, дајте ми нешто. Ама кога ќе го сретнете, нема дефиниција, стварно е чувство“, вели таа во видеата што ги објави.

Јелена сподели и фотографија со Лукас, со која му посака среќна годишнина.

„Животот со тебе е волшебен“, напиша таа на фотографијата.

ФОТО | Јелена Спенџарска сама на одмор: „Дозволете си да уживате и да излезете од сопствените граници“