Хрватската пејачка Јелена Розга (47) неодамна ја потврди информацијата дека е во романтична врска со композиторот Иван Хуљиќ (37), син на музичарот Тончи Хуљиќ.

Имено, тие и претходно беа поврзувани во медиумските написи во тој контекст, но никогаш не одговорија на таквите шпекулации. Иако Розга ретко зборува за приватниот живот, сега во изјава за „Ин магазин“ откри дека таа и Хуљиќ уживаат во љубовта.

„Љубовта ми е супер. Јас сум среќна, ние сме среќни“, рече таа кратко.

На почетокот на март, Розга и Хуљиќ беа забележани заедно во Торонто, каде пејачката имаше заеднички концерт со пејачот Петар Грашо. Нивни заеднички фотографии беа објавени на Инстаграм, но бргу беа избришани.

Во јануари, српскиот „Курир“ објави фотографии снимени во летото 2023 година, на кои се гледа како Розга и Хуљиќ шетаат низ Будимпешта држејќи се за раце.