Фудбалерите на Селта на домашен терен во Виго одиграа нерешено 1:1 против Лас Палмас во 29 коло од Ла Лига, а натпреварот го одбележа страшната повреда на голманот на гостинската екипа Јаспер Силесен.

Во текот на првото полувреме, играчот на Селта, Борха Иглесијас, со колено го удри Силесен во стомакот, кој беше изнесен од теренот со големи болки. Набрзо се појави видео на кое се гледа како го носат во амбулантно возило на носилки.

Имаше информации дека по излегувањето од игра повраќал, па лекарите веднаш се посомневале дека се работи за повреда на внатрешните органи и голманот итно беше префрлен во болница.

По деталните прегледи му била констатирана повреда на цревата, па фудбалерот веднаш беше опериран во болницата во Виго.

По хируршката интервенција се огласи докторот од Лас Палмас, Диостано Боланос.

– Тој има стомачна повреда, со зафатени цревни делови. Засега сѐ оди добро – изјави Боланос и додаде дека постои можност за уште една операција доколку здравствената состојба на Силесен се искомплицира.