Јасикевичиус ќе го менува Пешиќ на клупата на Барселона?!

Каталонскиот тим загуби во финалето на плејофот во Шпанија и веднаш почнаа шпекулациите за големи промени во тимот за следната сезона.

Иако во каталонските медиуми топ тема се случувањата во фудбалскиот клуб кој е на добар да ја загуби титулата, не е заборавен и кошаркарскиот клуб кој веќе ја загуби титулата. Басконија во финалето на плејофот со 69:67 ја совлада Барселона.

Басконија по пауза од десет години стана шампион на Шпанија (ВИДЕО)

Шпанскиот весник „Насионал“ тврди дека управата на Барселона планира да му даде отказ на тренерот Светислав Пешиќ и веќе има подготвено замена за него.

Понудата да седне на клупата на Барселона ќе му биде упатена на поранешниот кошаркар на каталонскиот клуб и актуелен тренер на Жалгирис, Шарунас Јасикевичиус.

Јасикевичиус три години го носеше дресот на Барселона, од 2000. до 2003 година, а се врати и во 2013 година и триумфира во кралскиот куп.
Тренерската кариера Јасикевичиус ја започна во 2016 година во Жалгирис и за многу брзо време стана еден од најценетите европски тренери.

Конкурент на Барселона за ангажманот е турскиот Фенербахче, но адутот на каталонскиот клуб е тоа што ќе има поголем буџет од турскиот тим.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот