Јужноафриканската Република (ЈАР) се обрати до Меѓународниот суд на правдата во Хаг со барање да дејствува итно за да се спречи гладот во Појасот Газа, соопшти кабинетот на јужноафриканскиот претседател.

ЈАР побара од МСП да нареди дополнителни, итни мерки против Израел, кој ги крши важечките договори.

Јужноафриканската Република, во писмото испратено до МСП, предупреди дека Палестинците во Појасот Газа се соочуваат со глад и побара од судот да нареди прекин на непријателствата и ослободување на сите заложници и затвореници.

ЈАР, исто така, побара од судот да му нареди на Израел да преземе „итни и ефективни мерки за да овозможи обезбедување на итно потребната основна хуманитарна помош за да се спречи гладувањето во палестинската енклава“.