Јапонски професор разви прототип на ТВ-екран што можете да го лижете и кој може да го имитира вкусот на храната, што е уште еден чекор кон создавање на мултисензорно доживување при гледање.

Уредот наречен „Taste the TV“ (TTTV) користи мала вртелешка од 10 вкусови, кои во комбинација создаваат вкус на одредена храна. Примерокот за вкус потоа се пренесува на хигиенска фолија преку рамен ТВ екран за гледачот да го проба.

Во ерата на коронавирусот, овој тип на технологија може да го подобри начинот на кој луѓето се поврзуваат и комуницираат со надворешниот свет, рече Хомеи Мијашита, професор на Универзитетот Меиџи во Токио.

„Целта е да им се овозможи на луѓето да искусат нешто како јадење во ресторан на другата страна на светот, дури и додека седат дома“, рече тој.

Мијашита работи со тим од околу 30 студенти кои произведоа различни уреди за ароматизација, вклучително и вилушка што го прави вкусот на храната побогат.

Тој рече дека лани направил прототип на ТТТВ и дека производството на комерцијалната верзија ќе чини околу 700 евра.

Потенцијалните апликации вклучуваат учење на далечина за готвачите, како и дегустација на игри и квизови, рече тој.

A lickable TV screen? ? ?

A Japanese professor has developed a prototype lickable TV screen that can imitate food flavours, another step towards creating a multi-sensory viewing experience.

READ: https://t.co/lHVnP2915i pic.twitter.com/g0AqxEkLk5

— Interaksyon (@interaksyon) December 23, 2021

Мијашита е во преговори и со компании поврзани со употребата на технологија за прскање за уреди кои можат да го применат вкусот на пица или чоколадо на парче леб.

Јуки Хоу, студентка на Универзитетот Меиџи, им го покажа TTTV на новинарите, кажувајќи им на екранот дека сака да проба слатко чоколадо. По неколку обиди, автоматскиот глас ја повтори командата и млазниците за вкус го претставија примерокот на пластичната плоча.

– Ова е како млечно чоколадо. Тоа е слатко како чоколаден прелив, рече Хау.