Јапонските власти размислуваат дополнително да ги олабават граничните контроли за странските патници како начин за зајакнување на нејзината економија, пренесува Би-Би-Си.

Властите за локалните телевизии изјавија дека јакнењето на јенот е „најефикасен со привлекувањето на туризмот“.

Јенот минатата недела забележа најсилен пад во однос на американскиот долар во последните 24 години, паѓајќи за дури 1,7 отсто.

Јапонија забрани влез за повеќето странски посетители во последните две години како начин да се справи со ковид пандемијата.

Минатата година, на странските посетители дури им беше забрането да учествуваат на одложените Олимписки игри во Токио во 2020 година.

Сепак, претходно овој месец, бројот на странски туристи на кои им беше дозволен влез во земјата беше зголемен на 50.000 дневно од претходните 20.000.

Некои локални медиуми пишуваат дека Владата би можела целосно да ја укине границата за пристигнувања.