Италијанскиот тенисер Јаник Синер се пласираше во второто коло на „Ролан Гарос“, откако на стартот од турнирот убедливо го совлада Американецот Кристофер Јубенкс со 6:3, 6:3, 6:4.

Мечот траеше два часа и 11 минути. Во првиот сет Синер два пати му го одзеде сервисот на својот ривал и брзо поведе со 4:1. Јубенкс во продолжението успеа да врати еден брејк, но немаше сили за пресврт.

Во вториот сет Синер беше сигурен на својот сервис, а еден брејк беше доволен за да поведе со 2:0 во сетови.

Италијанскиот ас рутински го одигра и третиот сет. Тој го одзеде сервисот на својот ривал во третиот гем и сигурно го приведе мечот до крај.

Синер во второто коло ќе игра против францускиот тенисер Ришар Гаске, кој во првото коло беше подобар од Хрватот Борна Ќориќ со 7:6 (5), 7:6 (2) и 6:4.

Во женска конкуренција завршија пет мечеви: Масарова – Вондроушова 1:6, 3:6, Потапова – Рахимоба 6:2, 6:3, Самсонова – Линет 6:1, 6:1, Севил – Паолини 3:6, 4:6 и Викери – Жабер 3:6, 2:6.