Резултатите од ТИМСС тестирањето се лоши и за жал, ова не е новост. Но, тие се и доказ дека на образовниот систем му се потребни промени, изјави министерката за образование и наука, Весна Јаневска.

-Еве пред пет месеци ги почнавме тие промени. Промените во образованието не се ниту лесни, ниту брзи и се надевам дека во еден разумен временски период ќе ги дадат и своите резултати – порача Јаневска.

ТИМСС тестирање: Од 58 држави, нашите ученици се на 44 место во математичка писменост

Според резултатите од последното меѓународно ТИМСС тестирање што беше спроведено во 2023 година во математичка писменост од 58 држави, нашите ученици се на 44 место. Во природни науки сме три места подолу, односно на 47 место.

Тестирани беа ученици од четврто одделение, на македонски и на албански јазик и првпат електронски.