Министерката за образование и наука Весна Јаневска вечерва на партиска трибина на ВМРО-ДПМНЕ во Велес изјави дека актуелната влада успеала да го исплати долгот од претходната влада во образованието за плати за наставниците и да ги испечати сите учебници за кои имаше недостаток повеќе години. Таа повторно најави дека учебници ќе има за сите ученици, но рече и дека во програмата за седмо одделение се враќа предметот Историја.

-Ја сменивме програмата за 7 одделение и од септември ќе има нова програма и во неа повторно е вратен предметот Историја што претходната го укина, а учебникот е во печатење, рече министерката.

Воедно информира дека од претстојната учебна година по шест години пауза, учениците повторно ќе имаат учебници по странски јазици: англиски, германски, француски и италијански.

Јаневска информира дека е сменета програмата за прва година гимназиско образование. Законот за високо образование, како што каќа, се доработува со уште неколку закони. Министерката Јаневска информира дека МОН дава поддршка за младите кои имаат изработено свои иновации во науката и за нивно пласирање и поддршка надвор од земјава, како и дополнителна награда и поддршка за оние ученици кои освоиле први места и медали на разни европски и светски натпревари во областа на науката.