Се плашев од моќта на Катица Јанева. Но, специјален обвинител во земјава беше Боки 13 бидејќи тој знаеше кој ќе биде апсен и против кого има истраги. Така и се потврдуваше, рече во судница сведокот во “Рекет” Ана Камчева.

– На првата средба со Горан Николовски од УБК му кажав сè и му побарав совет каде да пријавам. Му кажав дека Јовановски пред мене разговарал со министерот за внатрешни работи, политичари од власта, судии и обвинители. На Николовски му кажав дека се бараат многу пари од нас – рече Камчева.

Таа рече дека Јанева му се јавувала на Орце Камчев и му тврдела дека се ќе биде ок.

– Ми беше речено ништо да не сведочам. Дејан Пелистерка бил во ОЈО и ништо не кажал. Ова беше дел од притисоците – рече Камчева.