Во Четвртата изборна единица се: Струмичко-радовишката, Гевгелиско-валандовската Котлина, Тиквешијата и голем дел од Пелагонија. Сашко Јанчев, носител на листата за пратеници на Левица во ИЕ 4, изјави дека „имаме златно поле и штета е луѓето да имаат ваква дедовина, да имаат сè, а да го бараат спасот некаде во странство“.

– Затоа Левица во својата програма предвидува сериозна државна интервенција во земјоделието која се состои од: Разбивање на зелената мафија на прекупци; Планско производство на земјоделски производи со цел да нема вишоци и недостатоци на производи; Државни откупни центри; Државни ладилници од кои ќе се снабдуваат со храна градинки, училишта, болници, армијата; Стоковните резерви да се пополнуваат строго од домашно производство со однапред склучени договори со земјоделците и производителите; Аграрен максимум, односно забрана – малку луѓе да можат да го откупат целото земјоделско земјиште; Стимулирање задругарство. Крајна цел ни е прво да произведеме храна за Македонија, а потоа државата да се вклучи во пронаоѓање пазари во странство – изјави Јанчев, пренесе ТВ Кобра.