По изјавата на премиерот Христијан Мицкоски дека „неговата филозофија во животот е да гради, а не да урива“, градоначалникот на Општина Карпош и лидер на ГРОМ, Стевче Јакимовски, реагираше со остри критики. Тој оцени дека пораката на Мицкоски ја промовира анархијата и беззаконието наместо законито градење и ред, пишува Фокус.

Јакимовски потенцираше дека дивоградбите не се чин на градење, туку анархистички акт кој ги игнорира урбанистичките планови и законските стандарди.

„За тебе се небитни луѓето кои чекаат урбанистички планови и сакаат да градат по закон, да си платат комуналии и давачки. За тебе се битни оние што градат на државно земјиште, без планови и без стандарди“, изјави градоначалникот.

Јакимовски ја критикуваше и политичката логика на Мицкоски, укажувајќи дека кандидатурата на неговиот соработник за градоначалник на Карпош би можела да отвори простор за „дивеење“ низ општината. „Е мало сутра“, заврши Јакимовски, предупредувајќи на можните последици од поддршката на дивоградбите.