Навивачите на португалскиот фудбалски клуб Виторија Гимараеш, или популарните „Бели Ангели“, со скриена порака на натпреварот од Лига Европа против Ајнтрахт жестото ги критикуваа првите луѓе на европскиот фудбал.

Португалците преку целата трибина поставијаа знаме со име на нивната група и порака: “Under fans skills – football is better“.

Vitoria Guimaraes v Eintracht Frankfurt
03-10-19?? pic.twitter.com/SajLHr8zAv

— ULTRAS (@fotos_ultras) October 4, 2019

Дел од буквите се одвоени со жолта боја и доколку се прочитаат само тие, ќе се прочита: „UEFA kills football“, што во превод значи, УЕФА го убива фудбалот.

Навивачите на Виторија вака им одговорија на челниците на УЕФА, бидејќи мечевите од нивниот клуб дома со Арсенал и Стандард во групата на ЛЕ се поставени во непримерен и неатрактивен термин за европски мечеви, во 15.50 часот. А стандардни термини за Лига Европа се 18.55 и 21.00 часот.

На табелата после две кола води Арсенал со шест бода, по три имаат Стандард Лиеж и Ајнтрахт Франкфурт, а без бодови Виторија Гимараеш.