Откако се случи воениот удар од страна на Русија врз Украина, Европската радиодифузна унија (ЕБУ) соопшти дека ниеден руски изведувач нема да учествува на овогодишниот избор за песна на Евровизија.

Извршниот одбор донел одлука на основа на порано добиените препораки од управното тело на Изборот на песна за Евровизија, како и врз основа на правилата и вредностите на ЕБУ.

Препораката на Референтната група на ЕБУ ја поддржа и телевизискиот комитет. Имајќи ја предвид кризата без преседан во Украина, руското учество во годинашниот „Евросонг“ би ја нарушило репутацијата на натпреварот, велат од Унијата.

Пред да ја донесе оваа одлука, ЕБУ одвоила време опширно да се консултира со своето членство.

Во твит на својот официјален твитер профил, организацијата соопшти:

„Остануваме посветени на заштитата на вредноста на културниот натпревар кој промовира меѓународна размена и разбирање, ја собира публиката на едно место, слави различности низ музичкиот стил и ја обединува Европа на една сцена“ – децидни се тие.

Statement from @EBU_HQ regarding Russia's participation in the Eurovision Song Contest 2022.https://t.co/HmKJdqVE4J pic.twitter.com/tVH6yFxzbq

— Eurovision Song Contest (@Eurovision) February 25, 2022

ВИДЕО | Украинската пејачка не оди на Евросонг, налутено порача: Не сакам да бидам дел од оваа валкана приказна!