Израелското Министерство за надворешни работи тврди дека во Појасот Газа се пронајдени официјални документи на Хамас кои, според нив, ја докажуваат директната врска меѓу водачите на флотилата „Сумуд“ и палестинското движење Хамас. Документите, тврдат израелските власти, првпат се објавени за јавноста.

Што е „Сумуд“?

Флотилата „Сумуд“ претставува иницијатива на палестински поддржувачи од странство. Таа се состои од бродови кои пловат од европските пристаништа кон Газа со цел да ја пробијат израелската поморска блокада и да испратат помош за цивилното население во регионот, кое често е под удар на израелските воени операции.

„Хамас во странство“ и улогата на PCPA

Израелското министерство нагласува дека додека Хамас во Газа управува со внатрешните настани, таканаречениот „Хамас во странство“ е одговорен за активности надвор од територијата, меѓу кои и организацијата на флотили.

EXPOSED: Official Hamas documents found in the Gaza Strip – now revealed for the first time – prove Hamas’s direct involvement in the funding and execution of the “Sumud” flotilla to Gaza

Hamas documents that were discovered in the Gaza Strip, and are being revealed for the… pic.twitter.com/toyJlIXtVL

— Israel Foreign Ministry (@IsraelMFA) September 30, 2025

Според нив, особено важна улога има PCPA (Палестинска конференција за Палестинците во странство), основана во 2018 година. Израел ја опишува оваа структура како „покритие за канцелариите на Хамас во странство“.

Израелски став

Во меѓувреме министерството тврди дека PCPA користи цивилно покритие за да мобилизира акции против Израел, вклучувајќи насилни протести, маршеви и флотили. Израелската влада во 2021 година ја прогласи организацијата за терористичка, сметајќи ја за директно крило на Хамас.