Израелскиот министер за одбрана Јоав Галан им рекол на војниците на границата со Газа дека наскоро ќе ја види Газа „од внатре“, соопшти неговиот кабинет, што може да се протолкува како навестување дека се приближува копнена офанзива.

„Сега ја гледате Газа од далечина, наскоро ќе ја видите одвнатре. Командата ќе дојде“, рече тој, според соопштението.

Израел нареди повеќе од милион Палестинци да се евакуираат на југ пред очекуваниот копнен напад.

Војската на земјата во текот на викендот соопшти дека е подготвена за „значајна“ операција по копно, море и воздух, но не кажа кога ќе се случи офанзивата.