Израел го отвори својот воздушен простор по повеќечасовното затворање поради американските напади врз нуклеарните постројки во Иран.

Полетувањата и слетувањата на аеродромот Бен Гурион во близина на Тел Авив беа повторно дозволени од 14 часот, објавија израелските медиуми, повикувајќи се на Министерството за транспорт.

Најголемата израелска авиокомпанија Ел Ал, исто така, објави на својата веб-страница дека летовите до Израел ќе продолжат во согласност со владиното овластување.

Во моментов, согласно информациите добиени од македонската амбасада во Тел Авив, во моментов вкупно 11 македонски државјани чекаат евакуација. Како што соопшти Министерството за надворешни работи, како алтернатива, постои можност за евакуација по море – со брод од Ашдод до Лимасол (Кипар), за што Амбасадата е во редовна комуникација со македонските државјани и надлежните израелски власти.

Единаесет македонски државјани чекаат евакуација од Тел Авив

Израел прво го затвори својот воздушен простор веднаш по започнувањето на големите напади врз Иран на 13 јуни.

Оттогаш, голем број специјални летови полетуваа и слетуваа на аеродромот во близина на Тел Авив за да ги вратат Израелците заглавени во странство, како и странските државјани кои сакаат да ја напуштат земјата поради одмаздничките напади од Иран.