По предлог на Јавното обвинителство и измените на Кривичниот законик, прекина судењето за предметот „Траекторија“ кое се однесува на изградбата на кинеските автопати.

-Имајќи го предвид предлогот на ЈО и измените на КЗ, Судот донесе решение, се запира кривичната постапка против обвинетите Владимир Пешевски, Миле Јанакиески и Љупчо Георгиевски за „злоупотреба на службена положба и овластување“, како и обвинителниот предлог против Никола Груевски за кривично дело „примање награда за противзаконито влијание, рече претседателот на Судечкиот совет, судијата Илија Трпков.

Во случајот, за злоупотреба на службената положба обвинети беа поранешниот премиер Никола Груевски, поранешниот вицепремиер за економски прашања, Владимир Пешевски, поранешниот министер за транспорт и врски, Миле Јанакиески и тогашниот директор на Улици и Патишта, Љупчо Ѓоргиевски. Според обвинението државниот буџет е оштетен за 155.117.256 евра

Судењето за овој предмет почна во 2018. година и никогаш не доби првостепена пресуда.