Продолжуваат измамите со наводни сообраќајки. Измамник исконтактирал 81-годишна скопјанка и ѝ „продал“ приказна дека синот и снаата прегазиле дете.

„Вчера во 18.00 часот во СВР Скопје, 81-годишна жена од Скопје пријавила дека била измамена од едно машко лице за сума од 3.000 евра. Според пријавеното, лицето ѝ се јавило телефонски, се претставило како полициски службеник и ѝ кажало дека нејзиниот син и неговата сопруга предизвикале сообраќајна несреќа во која прегазиле дете и доколку не сака да лежат во затвор требало да плати. Како што е пријавено, таа парите ги оставила на договореното место, а откако нејзината снаа се вратила во домот од работа, таа сфатила дека била измамена“, информираат од МВР.

Се преземаат мерки за расчистување на случајот.