Излезни анкети за изборите во Германија: ЦДУ/ЦСУ во предност, ги следи АфД
Според објавените излезни анкети од изборите во Германија кои се одржуваат денеска, партиите на Унијата ЦДУ/ЦСУ освоиле 29 отсто од гласовите, а зад нив е ултрадесничарската АфД со 19,5 отсто од гласовите. СПД е на трето место со 16 отсто, а Зелените на четврто со 13,5 отсто, пренесува „Асошиејтед прес“.
Препорачано
-
1
-
2
-
3
Како што претходно објави „Дојче веле“, 52 отсто од вкупно 59,2 милиони гласачи гласале на избирачките места до 14 часот. Ова не ги вклучува оние кои претходно гласале по пошта. Ваквите бројки се значително повисоки отколку на претходните парламентарни избори во септември 2021 година, кога до 14 часот гласале 36,5 отсто од гласачите. Одѕивот е поголем и од оној на изборите одржани пред пандемијата, во 2017 година, кога во тој период гласале 41 отсто од гласачите.
„Ова покажува дека има голем интерес за изборите“, изјави Федералната изборна комесарка Рут Бренд.
