Излезе „Културен печат“ број 288 во весникот „Слободен печат“
КУЛТУРЕН ПЕЧАТ број 288, во печатеното издание на весникот „Слободен печат“ (5-6.7.2025), во својот стандарден формат на осум страници меѓу содржините од областа на уметноста и културните настани има:
Препорачано
– интервју со Давор Драмиќанин за развојот на стрип-културата што го поттикнуваат со „Макстрипови“: Најмногу поддршка добиваме од самите автори и стрип-заедницата
– разговор со Ивана Хаџиевска за збирката есеи „Суспендирана итност. Есеи од крајот на времето“: Историјата на трудот е основа за разбирање на модерниот свет
– архитектот Стеван Смилевски Кокан ја доби наградата за животно дело од областа на архитектурата и градителството „Андреја Дамјанов“ за 2024 година, што ја доделува Асоцијацијата на архитекти на Македонија
– Амбасадата на Франција и Францускиот институт во Скопје организираа професионална средба со тематски наслов „Копродукција меѓу Франција и земјите од Западен Балкан: структурирање, поддршка и валоризација на филмското творештво“
– долгометражниот игран филм „Диџеј Ахмет“ на режисерот Георги М. Унковски освои три награди на филмски фестивал во Кошице
– во Македонскиот културен центар во Загреб на 3 јули беше отворена изложбата „The Vlatko Stefanovski Experience“, посветена на јубилејот – 50 години музичка кариера на Влатко Стефановски
– во Македонскиот КИЦ во Белград од 4 јули е поставена изложбата „Регенерација“ на авторките Ана Ивановска, Христина Зафировска и Маја Кировска
– Фестивалот на алтернативна фотографија „Зрно“ во Мултимедијалниот центар „Мала станица“ во Скопје претстави изложба на алтернативни фотографии
– ликовната изложба „Бјути спот 3“ („Beauty Spot III“) на Иван Аџиевски ќе биде отворена на 8 јули во Монтажната / мобилна галерија во Паркот на Франкофонијата во Скопје
– издавачката куќа „Антолог“ соопшти дека пристигнале 35 прозни дела во превод на македонски јазик за наградата „Драги“
– дебитантската збирка поезија „Ќумур смоквин млеч“ од младиот поет Стефан Спасовски е објавена во издание на „Илика“
– во издание на „Бата прес“ објавен е романот „Целата небесносина боја“ од француската авторка Мелиса да Коста.
