Излезе „Културен печат“ број 275 во весникот „Слободен печат“
КУЛТУРЕН ПЕЧАТ број 275, во печатеното издание на весникот „Слободен печат“ (5-6.4.2025), во својот стандарден формат на осум страници меѓу содржините од областа на уметноста и културните настани има:
Препорачано
– интервју со писателката Оливера Ќорвезироска за нејзиниот роман „Три Марии“: Ме интересираат длабоките емотивни врски помеѓу мажите и жените
– разговор со кавадаречкиот академски сликар Горан Боев за изложбата во КИЦ-Скопје: Искрен со себеси
– во Драмски театар Скопје премиерно ќе биде изведена претставата „Ифигенија за ништо“ во режија на Филип Петковски
– по повод 80 години од основањето, „Остен“ додели повелби за придонес во развојот на карикатурата, хуморот и сатирата
– во Битолскиот театар на 29 март беше промовирана монографијата „80 години Народен театар Битола“ од проф. д-р Иван Додовски
– камерниот оркестар „Скопски солисти“ на 8 април, со концерт во камерната сала на Филхармонија, ќе одбележи 25 години континуирана уметничка дејност
– оркестарот „Солисти на ФМУ“ предводен од проф. м-р Сашо Татарчевски доби Гран-при на фестивал во Братислава
– деновиве излезе од печат колективната монографија „Македонска поетика и стилистика“
– во издание на „Полица“ излезе книгата „Semper idem“ од српскиот писател, драматург и сценарист Ѓорѓе Лебовиќ (1928 – 2004) во превод на Катица Гароска Ацевска
– во едицијата „Арго“ на „Или-или“ објавена е книгата „Приказна од Ефес: Антија и Хаброком“ од Ксенофонт, во превод од старогрчки на македонски јазик на Светлана Кочовска-Стевовиќ
– книга на месецот во Градската библиотека „Браќа Миладиновци“ – Скопје е романот „Ехото на акробатите“ од Владимир Јанковски.
