Излезе „Културен печат“ број 258 во весникот „Слободен печат“
КУЛТУРЕН ПЕЧАТ број 258, во печатеното издание на весникот „Слободен печат“ (30.11.-01.12.2024), во својот стандарден формат на осум страници меѓу содржините од областа на уметноста и културните настани има:
Препорачано
– интервју со Зорица Велковска од Центарот за социјални иновации „Блинк 42-21“: Иднината на европскиот филм лежи во блиската соработка меѓу индустријата и публиката
– ПИН конференција и шоукејс фестивал ги поместуваат границите на музичката сцена
– македонско-јапонското пријателство е потврдено со официјален меморандум за соработка
– врвна колекција со наслов „Француските уметници од колекцијата на Остен Музеј“ е поставена во Чифте амам
– ангажирана изложба на Мартина Спасовска со наслов „Лузни на издржливост, гласови на надеж“ беше отворена во Музеј на град Скопје
– УМПАКИ го организираше четвртиот Меѓународен форум за креативни индустрии со тематски наслов „Иновативноста и креативноста како капитал во креативната економија“
– креативните индустрии се исклучително продуктивна и профитабилна област беше заклучокот на „Форум Скопје – Секторски консултации“
– „Игор Мандиќ и Крлежа“ – текст на Синиша Вуковиќ по повод 85-тиот роденден на големиот писател и критичар Игор Мандиќ
– промоцијата на биографијата на Горан Трајкоски – Готра од едицијата „Македонски рок архив“ на Тошо Филиповски ќе се одржи на 30 ноември во МКЦ
– во „Аудиокултура“ на 2 декември (понеделник) ќе биде промовирана книгата „Прес енд плеј“ (Press & Play) на Ненад Георгиевски
– издавачката куќа „Или-или“ го објави македонскиот превод на книгата „Тито: вечниот партизан“ на германската историчарка Мари-Жанин Чалиќ
– „Перун Артис“ објави избор драми на познатиот српски прозаист и драматичар Милош Латиновиќ со наслов „Лида Барова и други драми“
– издавачката куќа „Артконект“ од Скопје го објави графичкиот роман „Бранови“ од Ингрид Шабер (авторка на текстот) и Карол Морел (илустраторка)
– македонската поетеса, писателка, есеистка, преведувачка, филолог и антрополог, Наташа Сарџоска, на покана на Хрватскиот ПЕН Центар во текот на ноември гостуваше на книжевна резиденција во Загреб.
