Излезе „Културен печат“ број 128 во весникот „Слободен печат“
КУЛТУРЕН ПЕЧАТ број 128, во печатеното издание на весникот „Слободен печат“ (14-15.05.2022), во својот стандарден формат на осум страници го отвораме со фотографии од јубилејните 50. Мајски оперски вечери, а меѓу содржините од областа на уметноста и културните настани има:
Препорачано
– интервју со композиторот, пијанист и продуцент Дуке Бојаџиев: Музиката ја доживувам како еден јазик со многу „дијалекти“
– разговор со српскиот уметник и илустратор Славко Круниќ: Критики облечени во духот на сатирата
– средба со Симон Калајџиев по повод неговите изложби во Скопје: Отслик на самотија во скршено огледало
– театарски осврт за претставата „Народен непријател“ во МНТ: Најсилен човек е тој што се бори сам
– Македонскиот театарски фестивал „Војдан Чернодрински“ во Прилеп се враќа во редовниот термин
– пиесата „Поштарот“ со текст од Трајче Кацаров премиерно ќе биде изведена во Штип
– меки и тактилни дела ќе бидат изложени во КСП „Центар-Јадро“ на заедничката изложба „Пикторијализам“ на Јана Луловска и Сашо Алушевски
– во битолската „Магаза“ е поставена петтата тематска изложба „Несовршен простор“
– поетската книга „Куќа од хартија“ на Гордана Каракашевска беше промовирана во КИЦ-Скопје
– големата посетеност на Саемот на книга 2022 ја потврди довербата на читателите
– по повод Денот на словенската писменост преведувачката Олга Панкина организира низа литературни настани во Москва
– „Антолог“ ја објави книгата „2020. Дневник“ во која се објавени записи од шест автори од регионот
– издавачката куќа „Бегемот“ го објави романот „Илегален Парнас“ од Бојан Бабиќ.
