Руската служба за вонредни ситуации во Сочи го изгасна големиот пожар во складиште за нафта во областа Адлер, кој избувна по нападот со украински дрон, објави денес градоначалникот на Сочи, Андреј Прошунин.

Повеќе од 120 пожарникари беа вклучени во гаснењето на пожарот, кој привремено го затвори сообраќајот на аеродромот во Сочи, објави Ројтерс.

Украина синоќа ја таргетираше и Воронешката област во Русија со дронови, а според руските власти, повредени се четири лица.

Руското Министерство за одбрана соопшти дека 93 украински дронови биле соборени преку ноќ.