Кошаракрот на Олимпијакос,  Саша Везенков, испиша историја во Евролигата добивајќи ја првата МВП награда што некогаш била доделена за плејоф фазата на ова елитно натпреварување.

Олимпијакос обезбеди место на завршниот фајнал-фор турнир што ќе се одржи во Абу Даби, откако во четвртфиналната серија го совлада европскиот гигант Реал Мадрид со 3-1. Клучен човек во таа серија беше токму бугарскиот репрезентативец, кој со своите импресивни настапи го водеше тимот до полуфиналето.

Везенков бележеше просек од 19 поени, 6,5 скока, 3 асистенции и 1,3 украдени топки по натпревар, а неговата прецизност во шутот за два поени достигна дури 60,6%. Дополнително, индексот на корисност од 22,8 го постави на врвот меѓу сите играчи во плејофот, а особено впечатливо е што самиот постигна речиси четвртина од сите поени на својот тим,  точно 23,8% во четирите пресметки  со гигантот од Мадрид

Иако оваа сезона за нијанса остана без признанието за МВП на регуларниот дел, кое заврши во рацете на Кендрик Нан од Панатинаикос, Везенков покажа дека токму во најважните моменти знае да биде одлучувачки фактор.