Арт-зборникот е иновативно издание од областа на научната фантастика кое содржи 70 цртежи од серијата насловена „Аракнајтс готика“ на Симон Калајџиев, како и 20 записи од 14 приложувачи напишани како дополнување на цртежите.

Автор на книгата е ликовниот уметник Симон Калајџиев, а приредувач е Зориа Петкоска Калајџиева. Книгата е објавена од издавачката куќа „Флип бук“, Скопје.

Промоцијата на книгата „Верлосен Арт-зборник“ ќе се одржи на 25 септември во „Паблик рум“ во Скопје, со почеток во 19 часот.

На промоцијата ќе може да се погледне изложба на цртежи на Симон Калајџиев од сериите „Аракнајтс готика“, „Олпест“ и „Аракнајт ракописи“. Промотор на арт-зборникот е мултимедијалниот уметник и дизајнер Дијана Томиќ.

Во склоп на промоцијата ќе се одржи настап на харфистката Џулија Масети од Обединетото Кралство, која за првпат ќе го изведе својот нов сингл „Sonnet to the Monstrous“ од Верлосен. Исто така, ќе читаат некои од авторите и преведувачите вклучени во зборникот.

Приредувач на зборникот е Зориа Петкоска Калајџиева, главен уредник е Жарко Иванов, а уредник на изданието е Дарин Ангеловски.

Други автори на дел од текстовите во зборникот се Адам Старкастер, Брајан Ган, Вилоу Хит, Влад Кухар, Дамјан Цветков-Димитров, Карл Жерно, Кристофер Арнолд, Лорен Сингер, Стефан Палитов, Фиби Аморосо, Христијан Павловски, Џулија Масети, Џој Волер. Преводот на текстовите од англиски јазик е на Зориа Петкоска Калајџиева со Елена Коруноска Кавракова, Никола Ѓелинчески и Горјан Костовски.