Кривичниот суд во Скопје и Граѓанскиот суд во Скопје добија по тројца нови судии кои беа избрани на денешната 455 седница на Судскиот совет. Во Кривичен суд ќе судат новизбраните судии Лиљана Миланова, Влатко Сековски и Надица Митреска, а во Граѓански Ирена Митреска, Влатко Сековски и Сања Томиќ Велковски.

Сите новоизбрани судии се завршени академци од Академијата за судии и обвинители кои не беа избрани во првиот оглас и за нив беше распишан втор оглас. Со нивниот избор денеска сите завршени академци се избрани за судии, односно, со двата огласа се избрани вкупно 30 нови, што е десет отсто од вкупниот број на судии во Македонија.

Шестмината млади судии беа избрани со 11 гласови „за“ и без ниту еден „против“, плус со по 4 гласа од Бадентеровото мнозинство.

На вториот оглас освен за скопските судови се бараа судии и за основните судови во Берово, Делчево, Кичево, Крушево, Куманово и Свети Николе, ама за овие места не се пријавил ниту еден кандидат.

Претседателот на Судскиот совет, Сашко Георгиевски, по изборот им честиташе на новоизбраните судии, посочувајќи дека од нив како нова млада генерација се очекува многу работа, да помогнат да се подобри ажурноста на судовите и добри резултати.