Овој едноставен потсвесен тест со книги ќе ви открие порака за иднината која може да ви помогне полесно да се соочите со некои настани што доаѓаат. Сè што е потребно е да дозволите вашата интуиција да ве води и без многу размислување изберете една од четирите понудени книги.

Ако ја одбравте книгата број 1

На детето во вас му треба слобода. Вашите мисли се насочени кон проблем кој во моментот изгледа нерешлив, а е поврзан со нешто од минатото. Тоа ве гуши и оптоварува, па бегате со фантазијата од ситуација која не знаете како да ја решите.

Ги туркате проблемите „под тепих“, а се што потиснуваме кога ќе излезе од нас посилно „експлодира“. Книгата што ја избравте ви испраќа порака дека иднината ќе бара од вас да бидете поодговорни и позрели во соочувањето со проблемите и донесувањето одлуки.

Ако ја избравте книгата број 2

Вашата порака за иднината е дека доаѓа време кога треба да се свртите на вашата романтична страна. Долго време ги запоставувавте емоциите и иднината бара да расчистите некои врски на тој фронт, доколку не се решат и да го отворите срцето за некои нови луѓе кои ќе влезат во вашиот живот.

Ве очекува волшебен период во љубовта и нови познанства со луѓе кои ќе ви го одбележат животот во наредниот период. Партнерот што ќе го запознаете ќе биде вашиот одличен животен учител.

Ако ја избравте книгата број 3

Вашето трпение се тестира. Вие сте од оние луѓе кои сакаат сè сега и не можат да чекаат додека „созрее ситуацијата“ за некои работи. Ве прави нервозни и ве води во анксиозност. Пораката што ви ја носи избраната книга е дека мора да научите да бидете потрпеливи и помудри.

Иднината ви кажува дека треба да разберете дека многу работи ќе се случат кога ќе дојде вистинскиот момент за нив, а не кога вие тоа го сакате. Ако сакате да ги постигнете своите цели, ќе треба да научите да чекате трпеливо.

Ако ја избравте книгата број 4

Вашата порака е дека сте научиле многу важни лекции кои биле наменети за вас. Доаѓа време на смиреност и целосен душевен мир. Иднината ви кажува дека е време да се свртите кон себе и вашиот внатрешен раст.

Во времето што доаѓа, имате можност да станете најдобрата верзија од себе и да ги жнеете плодовите од сето она што сте го посеале во минатото.