Ќерката на поранешниот и идниот претседател на САД Доналд Трамп, Иванка Трамп, на својот Инстаграм објави 16 мудри мисли кои секојдневно ги следи. Тие се однесуваат на меѓучовечките односи и здрав живот.

Иванка ги објави своите мудри мисли на Инстаграм откако го прослави својот 43-ти роденден.

1. 1. Семејството и пријателите се сè. Негувајте ги тие односи, проверувајте ги редовно и покажете дека се грижите. Како што вели Естер Перел: „Квалитетот на вашите врски го одредува квалитетот на вашиот живот“.
   2. Простете им на луѓето – тоа ќе ве ослободи повеќе од што било друго.
   3. Секој е учител. Секоја личност што ќе ја сретнете е лекција што ѝ треба на вашата душа за да расте.
   4. Избегнувајте озборувања. Изберете зборови што лекуваат, а не зборови што болат.
   5. Верувајте си. Препознајте ги вашите основни вредности и живејте според нив, дури и ако тоа значи да поставите цврсти граници.
   6. Грижете се за вашето тело. Јадете здрава храна, но уживајте и во парче торта – и малите задоволства го прават животот подобар!
   7. Секој ден поминувајте време на сонце. Тоа ќе ви ги подобри и денот и ноќта.
   8. Силно тело, силен ум. Движете се секој ден, кревајте тегови, спортувајте и играјте.
   9. Стремете се кон три дневни победи: физичка, ментална и духовна. Навал Равикант вели: „Смирен ум, добро тело и дом со љубов. Овие работи не можат да се купат, тие мора да се заработат“.
   10. Развијте самосовладување. Како што вели Маркус Аврелиј, „Вие имате моќ над вашиот ум – не над надворешните настани“. Вистинската сила лежи во контролирањето на сопствените реакции, а не на светот околу вас.
   11. Чувајте го вашиот мир. Епиктет забележал: „Кој може да те налути, станува твој господар“. Совладувањето на сосптвените емоциите значи дека другите не можат да ја контролираат вашата состојба на умот.
   12. Бидете отворени за вистината, без разлика каде ве води. Слушајте, мислите, растете. Прифатете нови идеи, врски и уметност.
   13. Бидете љубопитни. За вашиот партнер, децата, пријателите и светот.
   14. Пристапете кон животот со љубов и позитивност. Доли Партон вели: „Јас не критикувам или судам, сакам и прифаќам“.
   15.  Потрошете време и енергија на она што навистина ви е важно.
   16. „Размислувањето е тешко; затоа повеќето луѓе судат“, Карл Јунг. Она што го осудувате, не можете да го разберете. Наместо тоа, набљудувајте и учете.

 

View this post on Instagram

 

A post shared by Ivanka Trump (@ivankatrump)