Италијанската манекенка Виторија Серети (26) за прв пат отворено проговори за врската со холивудскиот актер Леонардо Дикаприо (50), со кој ја поврзуваат од август 2023 година. Во големото интервју за априлското издание на францускиот „Вог“, Серети открила дел од својот приватен живот, иако директно не го спомна името на Дикаприо.

Во интервјуто таа го опишува како „многу, многу познат актер“.

Серети откри дека се сретнале во Милано, но на прашањето за деталите од средбата таа кратко одговорила:

„Не би сакала да навлегувам во детали“.

На прашањето дали го гледала најпознатиот филм на својот партнер, Титаник, Серети се насмеала и кратко изјавила:

„Тоа е култен филм …“.

Виторија искрено зборуваше за предизвиците на врската со еден од најпознатите актери на денешницата и како тоа влијаело на нејзиниот идентитет.

„Штом сте во врска со некој кој е попопуларен од вас, станувате „девојката на…“ или „момчето на…“, не е важно. И тоа може да биде навистина иритирачко“, признала таа.

„Одеднаш луѓето зборуваат за вас како бившиот на оваа личност или сегашната на таа личност. Не е убава помислата дека не можете да сакате било кого од страв дека ќе бидете етикетирани“, додала таа.

Кога ја прашале како се справува со тоа да биде во врска со „еден од најпосакуваните мажи на светот“, Серети одговорила:

„Тоа е нешто што го учиш. Ако она што го доживуваш е реално и ако знаеш дека има љубов, тогаш нема причина да се плашиш. Затоа што љубовта штити и дава сигурност“.

Иако својата врска главно ја чуваа подалеку од очите на јавноста, Серети и Дикаприо често се забележани од папараците. Последен пат беа фотографирани на забава во Париз, а во август минатата година уживаа во патување со јахта на брегот на Сардинија.

Нивното прво заедничко појавување е снимено во Санта Барбара, каде заедно отишле на ладно кафе и сладолед. Според извори блиски до парот, Дикаприо „навистина ја сака Виторија“. По вечерата со пријателите во април минатата година во познатиот ресторан Џорџо Балди во Санта Моника, извор за „Пипл“ изјавил дека актерот „изгледал среќен и опуштен во нејзино друштво“.

Претходно странските медиуми шпекулираа дека славниот актер се се верил затоа што Виторија била фотографирана со голем дијамантски прстен на левиот прстен. Гласините за веридба се појавија на почетокот на нивната врска, но потоа беа демантирани.

Во 2020 година, таа се омажи за Матео Милери, италијански диџеј. Не е познато дали парот се развел, бидејќи манекенката сè уште има фотографии со сопругот на Инстаграм, па многумина се прашуваат дали Дикаприо е причината за крај на нивниот брак.