Селекторот на кошаркарската репрезентација на Италија, Џанмарко Поцеко, поднесе оставка откако неговата репрезентација беше елиминирана во осминафиналето на Европското првенство од Словенија.

– Ова беше мојот последен натпревар на клупата на репрезентацијата, тоа е моја одлука. Веќе ја информирав федерацијата за мојата одлука, никаков резултат нема да ме натера да се предомислам. Овие години со репрезентацијата беа најдобрите во мојот живот – рече Поцеко.

Поцеко, поранешен италијански репрезентативец и освојувач на сребрен медал на Олимписките игри во 2004 година, ја предводи Италија од јуни 2022 година.

Со репрезентацијата стигна до четвртфиналето на Евробаскетот 2022 и на Светското првенство во 2023 година, но не успеа да се квалификува за Олимписките игри во Париз во 2024 година.

За време на неговиот мандат, тој кратко го тренираше и францускиот тим Асвел (од октомври 2023 до јануари 2024 година).

Поразот од Словенија го означи и крајот на меѓународната кариера на Данило Галинари. Искусниот крилен центар (37) одигра 83 натпревари за Италија и постигна вкупно 1127 поени. Поголемиот дел од својата кариера го помина во НБА лигата, каде што играше за Њујорк никс, Денвер нагетс и неколку други тимови.

ВИДЕО: Дончиќ одигра натпревар за паметење и сам ја победи Италија за четвртфинале на Словенија