Во 17 земји на Европската Унија, жените живеат подолго здраво од мажите, иако мажите обично живеат подолго без ограничувања во активностите и движењето, според најновото истражување на Евростат. Бројот на години здрав живот е 63,3 за жените и 62,8 за мажите.

Мажите во Малта, Италија и Шведска најдолго живеат здраво, додека најмалку здрави години се забележани во Латвија, Естонија и Словачка, пренесува Еуроњуз.

Жените во Малта исто така најдолго живеат здраво, а по нив следат жените во Бугарија и Италија. Наспроти ова, жените во Латвија, Данска и Финска имаат најмалку години здрав живот, според извештајот.

Просечниот животен век во ЕУ е 84 години за жените и речиси 79 години за мажите.

Мажите генерално поминуваат поголем дел од својот живот без ограничувања во активностите во споредба со жените. Бројот на здрави години живот што се очекуваат од раѓање бил поголем кај жените отколку кај мажите во 17 земји од ЕУ. Холандија е единствената земја од ЕУ каде што јазот во корист на мажите надминува три години, покажало истражувањето.