Maкедонскиот шампион Струга Трим Лум и покрај поразот од Есперанж во Луксембург (2:1) се избори за место во плеј-офот во Конференциската лига.

Играше Струга и со гирач помалку уште од 15. минута кога директен црвен картон заработи Марјан Радески, но Бесарт Ибраими само две минути подоцна погоди за водство.

Во продолжение следуваа напади на Есперанж, посебно во второто полувреме кога домаќинот целосно доминираше. Хемкемајер во 70. минута го изедначи резултатот, додека победата за домашниот тим ја донесе Акаалаиа во четвртата минута од судиското продолжение. Исклучување во самиот финиш заработи и Новиер од Есперанж.

Благодарение на одличниот Ведран Ќосевски на голот Струга ја одбрани предноста од 3:1 од првиот натпреварот. Есперанж во овој натпревар упати 11 удари во рамките од голот, а вкупно 23.

За место во групната фаза од Конференциската лига Струга ќе игра двомеч со Бреидаблик од Исланд кој беше елиминиран од Зрињски Мостар во квалификациите за Лигата на Европа.