Кошаркарот на Бруклин Нетс, Кајри Ирвинг денеска изјави дека неговата одлука да не се вакцинира против коронавирусот го чинела 100 милиони долари бидејќи морал да го одбие новиот договор кој „мрежичките“ му го понудија на почетокот од минатата сезона.

Минатата сезона, Ирвинг не можеше да игра за Бруклин на домашните натпревари до март поради одлуката на властите во Њујорк да забранат влез на невакцинираните лица во затворени простори. Ирвинг играше на гостувањата на Бруклин во зависност од правилата за вакцинација на другите градови во САД.

– Се откажав од четиригодишен договор вреден 100 милиони поради одлуката да не се вакцинирам. Можев да го потпишам договорот, да се вакцинирам или да останам невакцинирам што внесе неизвесност околу тоа дали ќе останам во НБА, дали ќе останам во Бруклин како и да се соочам со можните предизвици поради евентуалното губењето на работа поради мојата одлука – изјави Ирвнг.

Новата сезона во НБА лигата започнува на 18 октомври, а екипите од денеска ги започнаа подготовките. Кајри Ирвинг ќе настапува за Бруклин и за претстојната сезона ќе инкасира 36,5 милиони долари. Доколку не потпише нов договор, на крајот од сезоната ќе стана слободен играч.