Ирска размислува да убие околу 200.000 говеда во следните три години со цел да ги постигне климатските цели и да го ублажи глобалното затоплување, се вели во интерен меморандум на Министерството за земјоделство.

Планирани се дискусии меѓу производителите на млеко и владините претставници, изјави за „ДПА“ претседателот на Ирското здружение на добавувачи на свежо млеко, Пат Мекормак.

Владата ќе мора да покаже одлучност и да претстави буџет за финансирање на таква програма, која може да биде само доброволна, нагласи Меккормак.

Ирска ќе им понуди на земјоделците доброволни, финансиски атрактивни опции, изјави за „ДПА“ портпаролката на Министерството за земјоделство.

Националната агенција за животна средина неодамна објави дека Ирска, најверојатно, значително ќе падне во однос на нејзините климатски цели. Само земјоделскиот сектор ќе мора да ги намали емисиите за четири до 20 проценти до крајот на деценијата.

Ирска планира да ги намали емисиите за 30 отсто во споредба со нивото од 2005 година, забележува „ДПА“.