31-годишен ирски државјанин со привремен престој во Охрид вчера доби кривична пријава откако полицијата во станот во кој престојувал пронашла дрога, соопшти МВР.

„СВР Охрид поднесе кривична пријава против А.Б.Ш.(31) од Република Ирска, со привремен престој во Охрид, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“. На 16.01.2025, при претрес во неговото патничко возило и во станот каде привремено претстојува, извршен со судска наредба, полициските службеници од Одделението за недозволена трговија со дрога при СВР Охрид пронајдоа и одзедоа марихуана, бела прашкаста материја, дробилка и повеќе други предмети со остатоци од марихуана и бела прашкаста материја“, пишува во полицискиот билтен.

На А.Б.Ш. му е одредена мерка куќен притвор во траење од 30 дена.