Во моментот започнуваме со оперативни интервенции и очекувам во брзо време да воведеме оперативни интервенции со модерни техники по кои би биле препознатливи, вели д-р Таушанов од Клиника „Жан Митрев“.

Што Ве мотивираше да се насочите кон неврохирургија како специјалност?

– Секогаш имав интерес како функционираат луѓето и долго време сметав дека психијатрија ќе биде мојата специјалност. Во петтата година, за време на медицинските студии, имав можност да асистирам на неврохирургија и одблизу да го видам мозокот и изучената невроанатомија во практика. Тогаш се појави желбата да им помагам на пациенти со отстранување патолошки супстрат што им го нарушува секојдневниот живот.

Што Ве привлече да работите токму во Клиника „Жан Митрев“ и како оваа клиника влијае врз Вашето професионално развивање?

– Шансата да работам во реномирана медицинска установа и можностите да се биде дел од тим во чие знаење во континуитет се инвестира.

Дали во Клиника „Жан Митрев“ има програми за менторирање и обука за младите лекари и какви се твоите можности за континуирана едукација и професионален развој во рамките на клиниката?

– Kлиниката „Жан Митрев“ работи по највисоки стандарди и нуди постојана доедукација и усовршување на неврохируршките способности, нудејќи можност да се работи и да се учи од најдобрите специјалисти по неврохирургијата во Европа. Со формирањето на новиот неврохируршки оддел, соработките со реномирани имиња од оваа област, јас како носител на дејноста, гледам огромен потенцијал за иден личен развој, но и развој на самата медицинска гранка во земјава, која ќе ја оствари крајната цел да се понудат врвни решенија за пациентите.

Како ја оценувате опременоста и технологијата во Клиника „Жан Митрев“ во однос на неврохируршки интервенции и дали има некои специфични процедури или методи што се користат во „Жан Митрев“, а не се чести во другите болници?

–  Болницата е опремена со најсовремена технологија и се стреми секогаш да обезбеди опрема што ќе овозможи најдобри резултати за пациентите. Во моментот започнуваме со оперативни интервенции и очекувам во брзо време да воведеме оперативни интервенции со модерни техники по кои би биле препознатливи.

Кои се најголемите предизвици со кои се соочуваат младите лекари во Македонија, особено во специјалностите како неврохирургија?

– Големите обврски за време на специјализацијата, многубројните работни часови и изнаоѓање време за учење. Истовремено менаџирањето на приватниот и на семејниот живот. Ако одвојувам, најтешки беа работните часови, кои честопати беа повеќе од сто часа неделно, но тоа е поднослива жртва за секој еден спасен живот.

Дали постојат доволно можности за професионален развој и напредок во земјата или сметате дека повеќето млади лекари се принудени да бараат работа во странство?

– Има доволно можности за професионален развој и напредок во земјава. Колегите што одат во странство и имаат можност да учат од врвни специјалисти и потоа се враќаат со цел да го унапредат нашето здравство се позитивен пример, а доц. д-р Жан Митрев е еден од нив.

Експертскиот тим на Клиника „Жан Митрев“ ви стои на располагање, закажете термин или консултирајте се на тел. 02 3091 484