Мајли Сајрус откри дека интернетот одамна ѝ создал чувство на несигурност за сопствениот изглед, поради што избегнува да носи бикини.

Во ново интервју со Моника Левински во поткастот „Reclaiming“, пејачката искрено проговори за тоа како со години била предмет на исмејување преку интернет-мемиња што се потсмеваа на нејзиниот изглед, слики кои, како што вели, сè уште ѝ се појавуваат пред очи секогаш кога ќе се погледне во огледало облечена во костим за капење.

„Во 2013 година луѓето правеа мемиња каде што ја лепеа мојата глава на разни грди тела. И денес, кога ќе облечам костим за капење, сè уште ми се појавуваат тие слики“, се присети Сајрус.

Поради тоа, познатата пејачка и актерка ретко носи бикини.

„Се облекувам многу пристојно. Девојките со кои патував носеа танга-костими, а јас бев во кратки шорцеви и широка маица. Буквално изгледав како баба“, вели искрено таа.

На ова, Левински низ смеа ѝ рече дека „танкини“ се враќа во мода, а Сајрус потврди дека тоа и ѝ бил планот.

„Сестра ми ми рече дека само јас можам да го изнесам тоа, бидејќи сум – јас. Но, сепак, ми нагласи дека такви костими обично носат баби на плажа“, вели таа.

Во тие моменти, Сајрус призна дека тој изглед ѝ е потсетник дека никогаш целосно не се ослободила од несигурноста која произлегла од јавното исмејување.

„Сè уште ме прогонуваат тие мемиња. Како да останале врежани во мене“, рече таа.