На програмата на 46. „Скопско лето“ на 10 јули, со почеток во 19:19 часот, во „Салон 19:19“ при Културно-информативниот центар во Скопје концерт ќе одржи интернационалниот ансамбл „Алтус“. Уметнички раководител и диригент на ансамблот е францускиот уметник Паскал Галоа.

Составот на ансамблот го сочинуваат Гонца Богоромова Краповски – сопран, Елена Стојческа – флејта, Игор Иванов – кларинет, Ромен Петио – гитара, Мартин Димитров – виолина, Александар Лаовски – виола, Паскал Краповски – виолончело и Маријана Николовска – пијано.

На програмата на концертот се дела од композиторите Панде Шахов – „Песни за љубовта и смртта“, Михајло Трандафиловски – „Harmorheomody“, Дарија Андовска – „Ocean in a Drop“, Филип Иванов – Гудачко трио, Пјер Булез – „Derrive 1“, Ангел Спиркоски – „Свадбениот танц на Влаина планина“ и Зографски-Шахов – „Марика мома убава“.

Ансамблот претходно настапи и на Штипско културно лето во објектот на Безистенот, а покрај концертите во Македонија настапува и во странство. На програмата на ансамблот се дела од современи композитори.