Фото: Рexels-pixabay

Интересни факти за Олимписките игри кои веројатно не сте ги знаеле

Дури и ако не се грижите премногу за спортот и спортските настани, има нешто магично во врска со Олимпијадата: спортистите тренираат со години за да го дадат својот максимум и да го постигнат најдобриот резултат во животот – често во само неколку секунди. Плачеме од среќа со победниците, сочувствуваме со поразените, викаме и се радуваме со непознати ако сме надвор од дома за време на преносот.

Со цел да се препуштиме на олимпискиот дух и на емоциите кои доаѓаат со него, ви откриваме неколку факти за Олимписките игри со кои можете да се позанимавате додека чекате да се сруши следниот атлетски рекорд, пишува „Б92“.

Фото: EPA-EFE/ANDRE PAIN

1. Првите Олимписки игри

Првите Олимписки игри се одржале во 8 век п.н.е. во Олимпија, Грција. Тие се одржувале на секои четири години во текот на 12 века. Потоа, во 4 век од нашата ера, императорот Теодосиј I ги забранил сите пагански празници и Олимпијадата повеќе не се одржувала.

2. Враќање на игрите

Сепак, атлетската традиција воскресна околу 1.500 години подоцна: првите модерни Олимписки игри се одржаа во 1896 година во Грција.

3. Натпревари во Античка Грција

Во Античка Грција, спортистите не се грижеле за спонзорството, заштитата или модата – се натпреварувале голи и имале посебен режим на исхрана.

Фото: EPA/- B/W ONLY

4. Времетраење на игрите

Тогаш игрите траеле пет-шест месеци.

5. Жените на Олимпијадата

На жените им е дозволено да се натпреваруваат на Олимписките игри од 1900 година.

6. Зимски и летни игри

Од 1924 до 1992 година, во истата година се одржувале Зимските и Летните олимписки игри. Тие сега се во посебни циклуси и се менуваат на секои две години.

Фото: EPA-EFE/CAROLINE BREHMAN

7. Освоени медали на двете Олимписки игри

Само четворица спортисти имаат освоено медали и на Зимските и на Летните олимписки игри. И само една од нив, Криста Лудинг-Ротенбургер, освоила медали во истата година.

8. Потребата од крпи

За време на Игрите во Лондон 2012 година, на Олимпиското село му беа потребни 165.000 крпи за нешто повеќе од две недели активност, што е рекорд за Олимпијадата.

9. Официјални јазици на Игрите

Официјални јазици на Игрите се англискиот и францускиот, дополнети со официјалниот јазик на земјата домаќин.

10. Тарзан на натпреварот

Џони Вајсмилер, спортист кој стана актер и го играше Тарзан во 12 филмови, освои пет златни медали во пливање во 1920-тите.

Фото: EPA-EFE/ALEX PLAVEVSKI

11. Уметници на Олимписките игри

Од 1912 до 1948 година, уметниците учествуваа на Олимписките игри. Сликари, скулптори, архитекти, писатели и музичари се натпреваруваа за медали во своите области. Интересно, нели?

12. Јапонците ги преполовија медалите

За време на Игрите во Берлин во 1936 година, двајца јапонски скокачи со стап се изедначија на второто место. Наместо повторно да се натпреваруваат, тие ги поделија сребрените и бронзените медали на половина и ги комбинираа двете различни полувремиња така што секоја од нив имаше по половина сребрен медал и половина бронзен медал.

13. Палење на олимпискиот факел

Олимпискиот факел е запален на старомоден начин на древна церемонија во Храмот на Хера, Грција: актерките, облечени како грчки свештенички, користат параболично огледало и сончевите зраци за да го запалат факелот.

Фото: EPA PHOTO EPA/LOUISA GOULIAMAKI

14. Патувањето на факелот

Оттука факелот го започнува својот пат до градот домаќин. Обично го носат тркачи, но патувал со брод, авион (дури и „конкорд“), на коњ, на грб на камила, преку радио-сигнал, под вода и во кану.

15. Факел во вселената

Незапалениот олимписки факел исто така неколкупати беше испратен во вселената.

16. Пламен што не се гаси

Штафетниот факел и олимпискиот оган треба да горат во текот на целиот настан. Во случај пламенот да се изгасне, може повторно да се запали само со резервен пламен, кој бил запален во Грција, а никогаш со обична запалка!

17. Дамите и Олимписките игри

Игрите во Лондон во 2012 година беа првите Олимписки игри на кои сите земји учеснички испратија спортистки.

18. Спортови кои повеќе не се дел од Игрите

Следниве спортови (за жал) повеќе не се дел од Олимписките игри: соло синхронизирано пливање, влечење јаже, качување по јаже, балон со топол воздух, пиштол за дуел, тандем велосипед, пливање со пречки и нуркање на долги растојанија.

За среќа, пукањето во живи гулаби беше еднократен и единствен дел од Олимписките игри во Париз во 1900 година.

19. Олимписки прстени

Петте прстени на олимпискиот симбол – дизајнирани од баронот Пјер де Кубертен, коосновач на модерните Олимписки игри – ги претставуваат петте населени континенти на светот.

20. Бои на прстените

Петте бои – сина, жолта, црна, зелена, црвена, како и белата позадина – беа избрани затоа што знамето на секоја нација содржи барем една од нив.

21. Олимпијада и Олимписки игри не е едно исто

Кога мислиме на натпреварувањето, правилно е да се каже Олимписки игри, додека Олимпијадата се однесува на четиригодишниот период помеѓу Олимписките игри.

Фото: EPA-PHOTO/EPA/YURI KOCHETKOV/vk/kr/ow

22. Првата олимписка маскота

Првата официјална олимписка маскота беше Валди, јазовичарот, на Игрите во Минхен во 1972 година.

23. Пет постојани спортови

Има само пет спортови кои биле на сите Олимписки игри досега, а тоа се:

атлетика,
ритмичка гимнастика,
пливање,
возење велосипед и
мечување.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот