Раководството на американскиот фудбалски клуб Интер Мајами се откажа од можноста да го потпише играчот на Манчестер сити, Кевин де Брујне.

Се тврдеше дека клубот на Дејвид Бекам имал ексклузивни права да започне првични преговори со фудбалерот доколку тој одлучи да се пресели во клуб од МЛС.

Сепак, се чини дека желбата на самиот Белгиец е да ја продолжи кариерата во Европа, а поконкретно во Англија.

Де Брујне и Манчестер сити веќе објавија дека се разделуваат на лето, кога ќе истече договорот меѓу двете страни. Фудбалерот неколку пати најави дека има сила да продолжи да игра на високо ниво во Премиер лигата, а за него интерес покажува екипата на Астон Вила.

Уште еден американски клуб, Чикаго фајер, исто така е подготвен да се бори за потписот на белгиската ѕвезда.