Индија пуштила во оптек банкноти со високи апоени, во обид да се блокира циркулацијата на лажни пари кои ја преплавиле оваа земја.

Со тие пари, како што се тврди, биле финансирани терористички организации.

Медиумите во Индија тврдат дека пакистанската разузнавачка агенција (ИСИ) ги креирала тие лажни банкноти и преку свои извори ги пренесувала со помош на авионската компанија ПИА или преку димпломатски пратки преку своите мисии во Дубаи, Куала Лумпур, Хонгконг и Доха.

Инаку, Пакистан веќе е обвинет за злоупотреба на дипломатските канали за пуштање во дистрибуција на лажни индиски пари во Бангладеш.

Кон крајот на 2015 година, пакистанскиот дипломатски функционер Фарина Арсхад бил повлечен од службите во странство, откако една терористичка организација во Бангладеш тврдела дека е поврзана со него.

Pak using its diplomatic missions to push fake currency into India for terror financing

Read @ANI Story | https://t.co/Ck04bXnZN6 pic.twitter.com/wsxhJXHJr6

— ANI Digital (@ani_digital) October 9, 2019

Во јануари 2015 година, аташето во конзуларното одделение на пакистанската мисија во Дака било протерано откако разузнавачките служби во Бангладеш го обвиниле за дистрибуција на лажни пари и финансирање на терористички организации.