Полицијата во Индија уапси 47-годишен маж, осомничен за водење лажна амбасада од изнајмена куќа во близина на Њу Делхи. Џаин се претставувал како амбасадор и измамил луѓе ветувајќи им вработување во странство, земајќи пари за возврат, изјави висок полициски службеник од специјалната единица на државата Утар Прадеш, пренесува Еуроњуз.

Осомничениот тврдел дека е советник или амбасадор на измислени „земји“ како Себорга и Западен Арктик. Во неговата изнајмена локација полицијата пронашла четири возила со лажни дипломатски таблички, готовина од речиси 4,5 милиони индиски рупии (околу 44.400 евра).

Исто така, биле откриени фалсификувани фотографии на Џаин со светски лидери, фалсификувани печати од Министерството за надворешни работи на Индија и речиси триесет други земји.

Полицијата го сомничи за перење пари преку фиктивни компании во странство, како и за фалсификување, лажно претставување и поседување на лажни документи.