Руски мразокршач, со 33 члена екипаж, по грешка повикал помош за време за олуја кај обалата на Норвешка, соопштила руската агенција за поморски и речен сообраќај.

Сите членови на екипажот се добро, а мразокршачот не е во опаснот и продолжуива понатаму да плови по редовна рута, пренесе агенцијата „Тасс“.

-Нема проблем, мразокршачот и екипажот се безбедни. Сигналот за опасност е упатен случајно, бидејќи дојде до пореметување на одредена опрема, поради недостаток на струја за време на олујата- изјавил потпаролот на руската агенција.

Објавено е дека стануба збор за бродот „Тор“, кој припаѓа на компанијата „Росморпорт“.

Норвешката спасувачка служба претходно наведе дека на мразокршачот му откажал моторот, но дека потоа успеал да ги поврати способностите за маневр, пренесе Ројтерс.