Десетгодишната ќерка на музичката двојка Бијонсе и Џеј Зи, Блу Ајви Картер е млада милионерка која може да си дозволи сѐ што ќе посака.

Уште од нејзиното раѓање, ова малечко девојче живее луксузен живот за кој многумина можат само да сонуваат.

Блу Ајви неодамна учествувала на хуманитарен настан и ги изненадила присутните кога го дигнала своето раче и понудила повеќе од 80 илјади долари за пар дијамантски обетки на дизајнерката на луксузен накит Лорејн Шварц.

Сепак, основачката на „Миел Органик“, Моник Родригез го прифатила „предизвикот“ и ја дала победничката понуда од 105 илјади долари.

Blue Ivy placed a bid at the auction for $80k like it was nothing lol via @quintabrunson on IG #wearableartgala #beyonce pic.twitter.com/1oNduUpjax

— Kay (@beycentric) October 23, 2022

Бијонсе, чие богатство се проценува на 426 милиони долари, и Џеј Зи, чие богатство се проценува на 1,1 милијарда долари, заедно вредат повеќе од 1,5 милијарда долари. Тоа значи дека секое од нивните три деца (Блу Ајви, Сер и Руми ) имаат по 510 милиони долари, пишува „Баз бинго“.

Исто така, интересно е дека младата наследничка веќе им дала до знаење на нејзините родители дека им е „шефица“.

Многумина се сеќаваат на моментот кога шестгодишната Бли Ајви им „нареди“ на Бијонсе и Џеј Зи да престанат да ѝ аплаудираат на Камила Кабељо за време на доделувањето на Греми наградите во 2018 година. Исто така, малечкото девојче неодамна беше наизглед ужаснато од тоа што татко ѝ сакаше да ја гушне за време на финалниот натпревар на кошаркарската лига НБА.

Blue Ivy is everything! #GRAMMYs pic.twitter.com/JSxtyGORhU

— billboard (@billboard) January 29, 2018

Магнат во создавање

Списанието „Тајм“ ја прогласи Блу Ајви за „најпознатото бебе на светот“ само два дена по нејзиното раѓање во 2012 година. Набргу откако се роди, Бијонсе и Џеј Зи се обидоа да го заштитат нејзиното име, но неуспешно, бидејќи веќе постоел воспоставен бизнис наречен „Блу Ајви“.

Подоцна, Бијонсе и Џеј Зи поднеле барање да го осигураат името „Блу Ајви Картер“ како заштитен знак за сите следни парфеми и парчиња облека кои ќе го носат нејзиното име. Спорот околу заштитниот знак сѐ уште трае, а Бијонсе ѝ упати суптилна критика на сопственичката на компанијата за планирање венчавки Венди Моралес, наведувајќи дека таа се обидува да го заштити името „Блу Ајви Картер“, а не само „Блу Ајви“.

Бијонсе верува дека тврдењата на Моралес „дека потрошувачите најверојатно ќе бидат збунети околу тоа дали ова е компанија за планирање свадби или Блу Ајви Картер, ќерката на најпознатите музичари во светот, се несериозни и треба целосно да се отфрлат“.

 

View this post on Instagram

 

A post shared by Beyoncé (@beyonce)

Втората најмлада добитничка на Греми

Минатата година, Блу Ајви ја освои својата прва музичка награда Греми за најдобар музички видеозапис за песната „Brown Skin Girl“. Со оваа победа, таа стана втората најмлада добитничка на Греми во историјата на овие престижни музички награди. Рекордот сѐ уште го држи Леа Писал, која ја освои својата награда Греми на осумгодишна возраст.

Меѓу другото, Блу Ајви е наведена како текстописец, а се појави и како вокал на музичкиот албум „The Lion King: The Gift“ на нејзината мајка во 2019 година.

Исто така, Блу Ајви стана најмладата добитничка на Ем-ти-ви Ви-ем-еј награда во 2021 година, за музичкиот видеозапис за „Brown Skin Girl“.

 

View this post on Instagram

 

A post shared by Beyoncé (@beyonce)