Со пораст од неверојатни 40% на акциите на „Оракл“ (“Oracle”) во еден ден, коосновачот и технички директор на компанијата, Лери Елисон, ја зголеми својата нето-вредност за 101 милијарда долари, достигнувајќи вкупно 393 милијарди долари, јавија светските медиуми.

Тоа е најголемиот еднодневен раст во историјата на компанијата.

Маск, кој со години беше на врвот благодарение на успехот на „Тесла“, „Спејсекс“, сега е симнат од првото место по богатство, a Елисон, кој поседува 41% од „Оракл“, официјално стана најбогатиот човек во светот.