Сопственикот на Твитер и еден од најбогатите луѓе во светот, Илон Маск, на мрежата сподели твит во кој еден корисник на апликацијата за пораки „Ватсап“ (која е дел од групацијата Мета, сопственичката на Фејсбук), во која се тврди дека апликацијата го вклучувала микрофонот на телефонот, кој работел во позадина цела ноќ, додека корисникот спиел.

Маск ја ретвитна објавата со коментар „На „Ватсап“ не може да му се верува“.

WhatsApp cannot be trusted https://t.co/3gdNxZOLLy

— Elon Musk (@elonmusk) May 9, 2023

Пред два дена, во Британија беа покренати прашања во врска со политиките за приватност на „Ватсап“ и околу тоа дали апликацијата е во согласност со Законот за онлајн безбедност на земјата.

Строгиот закон му дозволува на регулаторното тело на Британија да им наложува на провајдерите на интернет-услуги да користат технологии за да спречат објави поврзани со тероризам и сексуално искористување на деца, а за оние кои нема да се придржуваат до наредбите, предвидени се драконски казни – до 10 отсто од вкупниот промет на компанијата ширум светот.