Во градот Волос во Грција, на плажа „испливале“ илјадници мртви риби на површината на водата, објави Блиц. Еколошката катастрофа е потврдена и од силната непријатна миризба во околината. Има истрага за да се утврди од која причина рибите во толкав голем број умираат. Во истрагата ќе биде вклучено и тестирање на квалитетот на водата. Примероци од мртвите риби ќе бидат однесени во лаборатории и ќе се испитува дали некакви отрови влијаеле на нив.

Мртви риби, освен во Волос, биле забележани и во градовите Агрија, Аликес и во Неа Ангиолос, пишува „voria.gr“.